Wanachuo Ustawi ombeni msamaha

WANAFUNZI wa stashahada ya juu katika Taasisi ya Ustawi wa Jamii waliofukuzwa wanatakiwa kuomba msamaha.

Wanafunzi hao wanatakiwa kuandika barua za kuiomba msamaha Serikali kama mamlaka hiyo ya nchi ilivyoagiza.

Mkuu wa Taasisi hiyo iliyopo Dar es Salaam, Profesa Rwegoshora ameagiza kwamba, barua hizo zifike kwake kabla ya tarehe 28 mwezi huu.

Watakaoomba msamaha watatakiwa pia kufika katika kikao cha kamati ya nidhamu kitakachoanza saa tatu asubuhi Juni 3 mwaka huu.

Wanafunzi hao walifukuzwa chuo kwa kuwa walikaidi amri iliyowataka waondoke mabwenini Kijitonyama jijini Dar es Salaam.