Dk Mwakyembe kalazwa Muhimbili

Dk Harrison Mwakyembe

Gari la Dk Mwakyembe baada ya ajali

KAMA itaonekana inafaa, Mbunge wa Kyela, Dk Harrison Mwakyembe atapelekwa nje ya nchi kutibiwa.

Katibu wa Bunge, Dk Kashillilah jana likaririwa akisema kuwa wabunge wa haki ya kutibiwa nje ya nchi.

Dk Mwakyembe amelazwa katika Taasisi ya Mifupa ya Hospitali ya Taifa Muhimbili(MOI) jijini Dar es Salaam akipata tiba ya maumivu aliyopata alipopinduka na gari jana asubuhi.

Gari alilokuwa akisafiria aina ya Toyota Land Cruiser lenye namba za usajili T 362 ACH lilipinduka saa moja asubuhi wakati akija Dar es Salaam.

Kwa mujibu wa Kamanda wa Polisi mkoa wa Iringa, Advocate Nyombi, gari hilo lilipinduka wakati likilipita lori, mbele kulikuwa na shimo.

Kwa mujibu wa RPC Nyombi, baada ya gari hilo kuingia kwenye shimo tairi lilichomoka, likapoteza mwelekeo, likapinduka.