Breaking News

MBUNGE wa Kyela, Dk Harrison Mwakyembe (CCM) ameumia katika ajali ya gari iliyotokea Iringa leo.

Inadaiwa kwamba, Mbunge huyo maarufu amevunjika taya, gari lake limeharibika sana.

Kwa mujibu wa taarifa hiyo, Dk Mwakyembe anasafirishwa kwa ndege kuletwa Dar es Salaam kwa ajili ya matibabu.

Dk Mwakyembe alijipatia umaarufu alipokuwa mwenyekiti wa kamati ya Bunge iliyochunguza kashfa ya ukodishaji wa mitambo ya kuzalisha umeme ya kampuni ya Richmond.

Ripoti ya kamati hiyo ilisababisha aliyekuwa Waziri Mkuu wakati huo, Edward Lowassa ajiuzulu hivyo Baraza la Mawaziri lilivunjwa.

Taarifa zaidi baadaye.