Mwanaume mwenye uke bandia aaga dunia

MKAZI wa Dar es Salaam aliyefanyiwa operesheni kuwekewa uke wa bandia amefariki dunia.

Abdallah Aluu, anayefahamika kwa jina la Victoria aliaga dunia jana asubuhi katika Hospitali ya Taifa Muhimbili iliyopo jijini humo.

Victoria alifikishwa Muhimbili Jumatatu mchana, akalazwa katika wodi ya wanawake, na iligundulika kwamba alikunywa sumu kwa lengo la kujiua.

Kabla ya kupelekwa Muhimbili alilazwa kwenye wodi ya wanawake katika Hospitali ya Mwananyamala kuanzia Jumapili alifajiri akiwa hajitambui.

Alikuwa akiishi mtaa wa Kipongoso, Mbezi Beach jijini humo. Habari zimebainisha kwamba, aliacha ujumbe kwamba ameamua kujiua baada ya kuzidiwa na mapenzi!

Inadaiwa kuwa miaka kadhaa iliyopita aliuza nyumba ili kufanyiwa operesheni ya kukatwa uume na kuwekewa uke wa bandia na alikuwanao hadi alipoaga dunia jana.