Hakuna kutoa heshima za mwisho kwa Kanumba

Jeneza lenye mwili wa Kanumba katika viwanja vya Leaders
Jeneza la mwili wa Kanumba

Gari lililobeba mwili wa Kanumba

Umati uliofika kwenye viwanja vya Leaders kumuaga Kanumba

Mmoja wa waombolezaji akipata huduma ya kwanza.

Sehemu ya umati katika viwanja vya Leaders ( Picha zote za Leaders kwa hisani ya blog ya full shangwe).

Mamia ya watu walikwenda viwanja vya Leaders kutoa heshima za mwisho kwa marehemu Steven Kanumba, lakini imeshindikana.

Umati wa watu waliokuwa katika eneo hilo, waliokuwa jirani na hapo na waliokuwa wakimiminika kwenda Leaders umesababisha shughuli hiyo isifanyike.

Mwili wa Kanumba umeshatolewa viwanja vya Leaders, unapelekwa katika makaburi ya Kinondoni utakapozikwa.

Kulikuwa na purukashani kwenye viwanja vya Leaders wakati wa kuliweka jeneza hilo kwenye gari kwa kuwa waombolezaji walitaka kuliona na hata kuligusa jeneza lenye mwili wa msanii huyo maarufu aliyeaga dunia akiwa na umri wa miaka 28.

Kanumba, aliaga dunia usiku wa kuamkia Aprili 7, nyumbani kwake Sinza jijini Dar es Salaam.