Mwanamke mzuri ni yupi?

Kwa kawaida vipimo vya uzuri wa mwanamke kwa wanaume vimegawanyika.

Wanaume wengi hupima uzuri wa mwanamke kwa sura au umbo, lakini linapokuja swala la kuoa, suala la tabia na mwenendo hupewa nafasi kubwa.

Na ndiyo maana wakati mwingine unaweza kushangaa kukuta mwanaume ambaye ni hodari wa kuchagua wanawake wazuri, lakini ukija kumuona mke aliyemuoa, utakuta ni mbaya kwa sura na umbo (kwa mtazamo wa wengine), lakini kwa upande mwingine utakuta mke huyo ni mzuri katika maeneo mengine kama vile, tabia nzuri,upendo, wema, na anayemudu malezi ya watoto katika familia.

Sifa nyingine ni zile za kumkubali mwingine kirahisi, kuwa tayari kusaidia yanapojitokeza matatizo katika
familia, mpenda amani na kumfanya mume wake aone kuwa hakukosea kumchagua yeye kuwa mke wake.

Kwa kifupi wanawake wa aina hii hata kama wangekuwa ni wabaya kwa sura na umbo bado (kwa mtazamo wa wengi) wapo kwenye nafasi ya kuonekana kuwa ni wazuri, na huolewa kirahisi zaidi.

Wanawake wazuri kwa sura na umbo ambao tabia na mienendo yao hairidhishi wako kwenye nafasi kubwa ya kuishi bila kuolewa, na kwa bahati mbaya zaidi wanawake wengi wanaohesabika kuwa ni wazuri, tabia na mienendo yao ni ya kutilia mashaka.

Wanaume wengi huvutiwa na wanawake hao kujenga uhusiano nao hasa wa kimwili tu na si vinginevyo, na ndiyo
maana wanawake wazuri kwa sura na umbo wana soko kubwa sana kwa wanaume, lakini huishia 'kuchezewa' a.k.a kutoa uroda tu na si kuolewa.

Wanaume nao kwa upande wao wamejenga dhana kwamba wanawake wazuri sana si wa kuoa na hivyo wanawaogopa.

Wanaamini kwamba,wanawake wazuri sana ni wasumbufu, kitu ambacho kina ukweli kwa kiasi fulani.

Wanaume wanaamini kwamba, wanawake wazuri sana kwa sura na umbo huwasababishia waume zao maradhi ya
moyo,shinikizo la damu na wakati mwingine hata kuwafanya kupata matatizo fulani ya kiakili
Hiyo inatokana na waume hao kuwa katika mashaka ya wake zao kuchukuliwa na wanaume wengine wakati wowote kutokana na uzuri wao.

Hata hivyo wanawake wazuri nao huwaendesha waume zao wakifahamu kuwa ni wazuri na soko lao lipo juu hivyo waume zao nao huwanyenyekea wakihofia kuachwa.

Na ndiyo maana usishangae kuona kuwa wale wanawake ambao watu wamekuwa wakiamini kuwa ndiyo wabaya kwa sura au umbo lakini tabia na mienendo yao ni mizuri ndiyo wanaoolewa na hata ndoa zao zinadumu, tofauti na za
wale wanaoonekana kuwa ni wazuri sana kwa sura na umbo na ambao tabia na mienendo yao si mizuri, ndoa zao
hazina umri mrefu.

Ni mtazamo tu, kwako ipo vipi?