Siku ya kihistoria

MUDA mfupi uliopita Rais Jakaya Kikwete amezindua mradi mkubwa wa maji yanayotoka Ziwa Viktoria kwenda Shinyanga, Kahama, na baadhi ya vijiji vya Geita, Kwimba, na Misungwi.

Rais kasema, leo ni siku ya kihistoria kwa maeneo hayo, na kwamba ndoto zimetimia.

Mradi huo ni mkubwa kuliko yote katika eneo la kusini mwa Jangwa la Sahara ukiacha wa Afrika Kusini.

Umejengwa kwa fedha za walipa kodi wa Tanzania, sh bilioni 242 Tsh, na hakuna hata senti moja ya wafadhili ilyotumika.

Umejengwa kwa miaka mitano, makandarasi watano wamesambaza mabomba yenye urefu wa kilomita 600.

Rais Kikwete kampongeza Rais Mstaafu wa Serikali ya Awamu ya Tatu, Benjamin Mkapa kwa moyo wake wa kuthubutu, na amesema, Mkapa ni Shujaa.

Mkapa, na Waziri Mkuu wa zamani, Edward Lowassa wamehudhuria sherehe za kuuzindua mradi huo.