Miss Universe 2009

Washiriki wa shindano la Miss Universe 2009(Picha kwa hisani ya Michuzijr.blogspot.com)

WAREMBO 20 kesho watachuana kuwania taji la Miss Universe Tanzania 2009.

Warembo hao wapo kwenye maandalizi ya mwisho kwenye hoteli ya Belinda iliyopo kando ya barabara ya kwenda Whitesands Hotel.

Mshindi wa taji hilo linalozidi kupata umaarufu nchini atapatikana katika ukumbi wa Mlimani City, Dar es Salaam.

Hivi karibuni, muandaaji wa shindano hilo, Maria Sarungi alisema, kiny'ang'anyiro cha kumpata Miss Universe Tanzania ni kigumu kuliko cha kumpata Miss Tanzania, na kwamba shindano la dunia la kumsaka Miss Universe ni gumu kuliko la Miss World.