Ni Man United VS Arsenal

Ronaldo akishangilia bao alilofunga jana usiku

Adebayor akipachika bao la pili la Arsenal jana usiku

LIGI ya mabingwa barani Ulaya imefika patamu, mtoto hatumwi sokoni.

Ushindani wa Mashetani wekundu na The Gunners katka ligi kuu ya soka Uingereza umehamia kombe la bara hilo lenye wachezaji ghali, na bora zaidi duniani.

Man United watapambana na Arsenal kwenye kipute cha nusu fainali, matajiri wa London, Chelsea wao wataupata muziki wa Barcelona a.k.a Barca ya Hispania.

Arsenal wameing'oa Villareal kwa kuifunga3-0 jana usiku hivyo kuwa na jumla ya mabao 4-1, Man U wameitoa FC Porto kwa kuitungua bao 1-0 hivyo kuwa na jumla ya mabao 3-2.

Chelsea wameisambaratisha Liverpool kwa jumla ya mabao 7-5, Barca wao wameingia nusu fainali kwa kuichabanga Bayern Munich ya Ujerumani jumlaya mabao 5-1.

Kwa namna yoyote ile, kwa mara nyingine Uingereza imefanikiwa kupata timu itakayocheza fainali ligi ya mabingwa Ulaya mwaka huu, imeingiza timu tatu nusu fainali.