Meli yazama Zanzibar, watu wengi wamekufa

Meli ya Spice Islander wakati inazama usiku wa kuamkia leo.(Picha kwa hisani ya blog ya Michuzi).

Meli ya abiria iitwayo Spice Islander imezama katika Bahari ya Hindi visiwani Zanzibar usiku wa kuamkia leo.

Inadaiwa kuwa wakati wa ajali meli hiyo ilikuwa na watu 610, lakini huenda idadi hiyo si sahihi kwa kuwa baadhi ya abiria walikuwa na watoto.

Hadi leo mchana zaidi ya watu 300 walikuwa wameokolewa, lakini baadhi yao ni mahututi.

Hadi saa 5 leo asubuhi miili ya watu 49 ilikuwa imeopolewa, na inapelekwa katika Viwanja vya Maisara ili itambuliwe.