Mtangazaji afananishwa na Amina Chifupa

MTANGAZAJI wa Shirika la Utangazaji Tanzania (TBC), Mariam Migomba, anafananishwa na aliyekuwa mtangazaji wa redio Clouds FM, Amina Chifupa Mpakanjia.

Mtunzi na mwimbaji wa nyimbo za mahadhi ya taarab, Hammer Q amesema leo kuwa, watu katika maeneo mbalimbali ndani na nje ya Tanzania wanamfananisha kipaji na Mariam na kile cha Amina.

Amesema, amekwenda sehemu mbalimbali Tanzania hususani kanda ya ziwa, na nchi jirani, wakazi wa huko ‘wanamkubali’ Mariam na kumfananisha na Chifupa.

Amina alikuwa mtangazaji na baadaye akawa Mbunge wa Viti Maalum katika Bunge la Tanzania hadi alipoaga dunia.

Mariam a.k.a mama wa Kashda, a.k.a Mama Originali ameshukuru kufananishwa na Amina na kuahidi kuendelea ‘kukamua’ kisawa sawa.

Ameyasema hayo leo asubuhi jijini Dar es Salaam wakati anazungumza na Hammer Q katia kipindi cha Muziki wa Mwambao kinachorushwa na kituo cha televisheni cha TBC1 cha Shirika la Utangazaji Tanzania (TBC).

Migomba ametamba kwamba ana vipande vya maneno sivipande vya mihogo, na ana vipande vya maneno na si vipande vya kashata.