Mwenge kuanza kukimbizwa leo Mwanza

MUDA mfupi ujao Makamu wa Rais Dk Ally Mohamed Shein atawasha Mwenge wa Uhuru katika Uwanja wa CCM Kirumba jijini Mwanza.

Maelfu ya wakazi wa Mwanza na mikoa jirani wapo kwenye uwanja huo kushuhudia tukio hilo la kihistoria.

Mwenge huo utakimbizwa katika wilaya 138 kwa kuanzia na nane za Mwanza kuanzia leo hadi Juni tano.

Juni sita hadi 13 utakimbizwa katika wilaya nane za Kagera, kuanzia Juni 14 utakimbizwa mkoani Kigoma hadi Juni 17, na utakuwa Tabora kuanzia Juni 18 hadi 23.

Mwenge huo utazimwa Oktoba 14 mwaka huu katika kijiji cha Butiama mkoani Mara.