Kikwete awatema mawaziri sita

RAIS Jakaya Kikwete ametangaza baraza jipya la mawaziri na kuwatupa nje mawaziri SITA akiwemo Mustafa Mkulo.

Rais Kikwete amesema, makatibu wakuu na wakurugenzi wote ambao wizara na idara zao zilihusishwa na tuhuma za ufisadi watawajibishwa.

  Mkulo alikuwa Waziri wa Fedha, Rais Kikwete pia amemtosa aliyekuwa Waziri wa Nishati na Madini, William Ngeleja, na Waziri wa Maliasili na Utalii, Ezekiel Maige.

Mawaziri wengine waliotemwa ni pamoja na Omari Nundu aliyekuwa Waziri wa Uchukuzi, ambaye sasa nafasi yake inachukuliwa na Dk. Harrison Mwakyembe.

Aliyekuwa Waziri wa Viwanda na Biashara,Dk. Cyril Chami naye kaachwa, amerithiwa na Abdallah Kigoda.

Nundu ameondoka na Naibu wake, Athuman Mfutakamba, ambaye alimshambulia waziwazi kwa tuhuma za kuhusika kuibeba kampuni ya moja ya Kichina.

  Aliyekuwa Naibu Waziri wa Viwanda na Biashara, Lazaro Nyarandu, kabaki, sasa anakuwa Naibu Waziri wa Maliasili na Utalii.

Wengine waliotemwa ni aliyekuwa Waziri wa Afya Dk. Haji Mponda na Naibu wake, Lucy Nkya, ambao waliingiza nchi katika mgogoro mkubwa wa mgomo wa madaktari.

Mawaziri wawili tu kati ya waliotuhumiwa na wabunge kwa ufujaji wamenusurika katika mchujo huo.

Hao ni aliyekuwa Waziri wa Nchi Ofisi ya Waziri Mkuu, Tawala za Mikoa na Serikali za Mitaa, George Mkuchika, ambaye sasa anakuwa Waziri, Ofisi ya Rais Utawala Bora, na mwingine ni aliyekuwa Waziri wa Kilimo na Chakula, Prof. Jumanne Maghembe ambaye amehamishiwa Wizara ya Maji.

Katika uteuzi huo, Kikwete aliingiza sura mpya na zisizofahamika katika duru za siasa, akiwemo mtu pekee ambaye atakuwa amevunja rekodi ya kupanda vyeo kwa kasi, Saada Mkuya Salum, ambaye jana mchana aliteuliwa kuwa mbunge, na saa chache baadaye kutangazwa kuwa Naibu waziri wa Fedha.

Mawaziri wapya walioingizwa katika baraza jipya ni pamoja na Mbunge mpya, Prof Sospeter Muhongo, ambaye sasa anakuwa Waziri wa Nishati na Madini, na Waziri wa Fedha, Dk. William Mgimwa.

Mawaziri wengine na nafasi zao katika mabano ni

Waziri wa Nchi, Ofisi ya Rais (Mahusiano na Uratibu) Stephen M. Wasira, Waziri wa Nchi, Ofisi ya Rais (Utumishi) Celina Kombani, Waziri wa Nchi, Ofisi ya Makamu wa Rais (Muungano), Samia H. Suluhu na Waziri wa Nchi, Ofisi ya Makamu wa Rais (Mazingira) Dk. Terezya P.L. Huvisa.

Waziri wa Nchi, Ofisi ya Waziri Mkuu (Uwekezaji na Uwezeshaji) itaendelea kuwa chini ya Waziri Mary M. Nagu, wakati Waziri wa Nchi, Ofisi ya Waziri Mkuu (TAMISEMI) sasa itashikwa na Hawa Ghasia. Waziri William Lukuvi anaendelea na nafasi yake ya Sera, Uratibu na Bunge.

Waziri wa Ushirikiano wa Afrika Mashariki, itaendelea kuongozwa na Samuel J. Sitta, wakati Waziri wa Ulinzi na Jeshi la Kujenga Taifa sasa atakuwa Shamsi Vuai Nahodha.

Waziri wa Ujenzi ni yule yule John P. Magufuli, wakati Dk. Huseein A.H. Mwinyi amerudishwa Wizara ya Afya na Ustawi wa Jamii.

Mawaziri wanaoendelea na wizara zao ni pamoja na Waziri wa Elimu na Mafunzo ya Ufundi Dk. Shukuru J. Kawambwa, Waziri wa Maendeleo ya Jamii, Jinsia na Watoto, Sophia M. Simba, Waziri wa Mambo ya Nje na Ushirikiano wa Kimataifa, Bernard K. Membe, Waziri wa Maendeleo ya Mifugo na Uvuvi Dk. David M. David, Waziri wa Kazi na Ajira, Gaudentia M. Kabaka na Waziri wa Mawasiliano, Sayansi, Teknolojia Prof. Makame M. Mbarawa na Waziri wa Ardhi, Nyumba na Maendeleo ya Makazi Prof. Anna K. Tibaijuka, Waziri wa Kilimo, Chakula na Ushirika atakuwa, Christopher Chiza, ambaye awali alikuwa naibu wa wizara hiyo.

Waliohamishwa wizara ni Waziri wa Katiba na Sheria, Mathias M. Chikawe, Waziri wa Mambo ya Ndani ya Nchi, Emmanuel Nchimbi, Waziri wa Maji Prof. Jumanne Maghembe, Waziri wa Habari, Vijana, Utamaduni na Michezo Dk. Fenella E. Mukangara, Waziri wa Maliasili na Utalii, Khamis Kagasheki, wakati Waziri wa Uchukuzi, Dk. Harrison Mwakyembe, na Prof Mark Mwandosya anakuwa Waziri asiyekuwa na Wizara Maalum.

Sura mpya za manaibu mawaziri ni pamoja na George Simbachawene anayekuwa Naibu Waziri wa Nishati na Madini, Januari Makamba anayekuwa Naibu Waziri wa Mawasiliano, Sayansi na Teknolojia, Amos Makala anayekuwa Naibu Waziri wa Habari, Vijana, Utamaduni na Michezo, Naibu Waziri wa Fedha, Saada Mkuya Salumna Naibu Waziri wa Fedha, Janet Mbene.

Manaibu wengine ni Naibu Waziri wa Uchukuzi, Charles J. Tizeba, Naibu Waziri wa Maji, Dk. Binilith Mahenge, Naibu Waziri Nishati na Madini, Stephen Maselle, na Naibu Waziri wa Katiba na Sheria, Angela Jasmine Kairuki.

Wengine ni Naibu Waziri, Ofisi ya Makamu wa Rais, Charles Kitwanga, Naibu Waziri wa Nchi, Ofisi ya Waziri Mkuu (Elimu), Majaliwa K. Majaliwa na Waziri wa Nchi, Ofisi ya Waziri Mkuu (TAMISEMI), Aggrey Mwanry.

Naibu Waziri wa Kazi na Ajira, Dk. Makongoro M. Mahanga, Naibu Waziri wa Kilimo, Chakula na Ushirika, Adam Malima, aliyeondolewa wizara ya Madini na Nishati, Naibu Waziri wa Mambo ya Ndani ya Nchi, Pereira A. Silima, na Naibu Waziri wa Viwanda na Biashara, Gregory G. Teu.

Wengine ni Naibu Waziri wa Maendeleo ya Mifugo na Uvuvi, Benedict N. Ole-Nangoro, Naibu Waziri wa Mambo ya Nje na Ushirikiano wa Kimataifa, Mahadhi J. Maalim, Naibu Waziri wa Ardhi, Nyumba na Maendeleo ya Makazi, Goodluck J. Ole-Medeye, Naibu Waziri wa Maendeleo ya Jamii, Jinsia na Watoto, Ummy A. Mwalimu, Naibu Waziri wa Elimu na Mafunzo ya Ufundi, Philipo A. Mulugo, Naibu Waziri wa Ushirikiano wa Afrika Mashariki, Dk. Abdulla Juma Abdulla, Naibu Waziri wa Ujenzi, Gerson Lwenge na Naibu Waziri wa Afya na Ustawi wa Jamii, Dk. Seif Suleiman Rashid.