Wema Sepetu rumande

MISS Tanzania mwaka 2007, Wema Sepetu(20) jana alionja adha ya rumande baada ya kushindwa kutoa sh 500,000 kujidhamini na pia kuwa na wadhamini wawili.

Msichana huyo ambaye kila mara amekuwa akihusishwa na kashfa za mapenzi anakabiliwa na shitaka la kuhusika kuvunja kioo cha gari la anayedaiwa kuwa alikuwa mpenzi wake, muigizaji maarufu nchini, Stephen Kanumba.

Mahakama ya Kinondoni, Dar es Salaam inamtuhumu Wema na mwenzake, Asha Jumbe(23) kuwa walifanya kosa hilo saa tatu usiku Januari 29 mwaka huu, Magomeni Dar es Salaam.